Bronnfar duaiseanna ag Amharclann Ghaoth Dobhair ar scolairí drámaíochta

Amharclann Ghaoth Dobhairplaceholder image
Amharclann Ghaoth Dobhair

Is í Michelle Nic Grianna as RTÉ Raidío na Gaeltachta a bhéas i mbun na hócáide

Bronnfaidh Michelle Nic Grianna, RTÉ Raidió na Gaeltachta, duaiseanna ar na scoileanna as Cúige Uladh a bhain duaiseanna ag Féile Náisiúnta Drámaíochta na Scoileanna sa Mhuileann gCearr le gairid, ar an Domhnach, Bealtaine 22 ag Amharclann Ghaoth Dobhair.

D'éirigh le Na Troill agus na Gabhair ó Scoil Dhoire Chonaire trí dhuais a bhaint le cois gur bhuaigh siad an léiriú is fearr ar dhráma ag an fhéile. 

Bronnfar duaiseanna chomh maith ar scolairí Phobailscoil Ghaoth Dobhair ar éirigh leo praghasanna a bhaint lena dtrí dhráma ag an fhéile. Bronnfar duaiseanna chomh maith ar scoil na Doirí Beaga ar éírigh leo trí dhuais a bhaint, le Scoil Éadan Fhionn Fraoich a bhain dhá ghradam agus Scoil na Crannóige, Gaelscoil Uí Néill, Coalisland agus Gaelscoil Ultáin, Muineachán ar éirigh go geal leo uilig. 

Tabharfar aitheantas chomh maith dó bheirt aisteoirí, Brian Mac Aodha, Scoil Mhuire, Doirí Beaga agus Caoimhe Nic Pháidín, Pobalscoil Ghaoth Dobhair atá bua na haisteoireachta acu mar a léiríonn na gradaim a bhain siad sa Mhuileann gCearr. Fáilte róimh chách ag an ócáid. 

Powered by
Register
Follow us
© 2026 Formpress Publishing LTD. All rights reserved.Cookie SettingsTerms and ConditionsPrivacy notice